Fógraíonn Aire Stáit don Ghaeilge, don Ghaeltacht agus do na hOileáin, Joe McHugh, deontas reáchtála suas le €50,000 do Chomhchoiste Náisiúnta na gColáistí Samhraidh (CONCOS)

Nuacht

Foilsithe ar Friday 27th July 2018

Fógraíonn Aire Stáit don Ghaeilge, don Ghaeltacht agus do na hOileáin, Joe McHugh, deontas reáchtála suas le €50,000 do Chomhchoiste Náisiúnta na gColáistí Samhraidh (CONCOS)

Dúirt an tAire McHugh agus é ag fógairt an deontais

Déanann mo Roinn infheistíocht bhliaintiúil os cionn €4m in earnáil na gcoláistí samhradh trí dheontais do na teaghlaigh a choinníonn scoláirí. Is fianaise é seo go dtuigim fhéin agus mo Roinn chomh tábhachtach don Ghaeilge agus d’eacnamaíocht na Gaeltachta agus atá earnáil na gColáistí Samhraidh. Tá ról lárnach ag CONCOS i gcur chun cinn na hearnála sin, dár ndóigh, agus tá áthas orm, dá réir sin, a bheith ábalta cabhrú leo san obair sin

Is i gcomhréir leis an ngealltantas atá tugtha i mbeart 2.15 i bPlean Gníomhaíochta 2018-2022 an Rialtais don Ghaeilge a seoladh i Meitheamh 2018 atá an t-allúntas seo á cheadú.

Tá fáil ar an bPlean agus eolas eile ina leith ar shuíomh idirlíon na Roinne: https://www.chg.gov.ie/ga/gaeltacht/20-year-strategy-for-the-irish-language-2010-2030/action-plan-2018-2022/

Catagóir Nuacht Aimsitheoir