merrion street

Bhí cruinniú dearfach ag m’oifigigh agus mé féin Dé Luain le hionadaithe na nOileán. Bheartaigh an Roinn tús a chur le plé le Galway Aviation Services Ltd trí chainéil dhlíthiúla i dtaca leis an bhféidearthacht chun an t-aerfort a cheannach ag na Mine, ar an gcoinníoll go n-aistarraingíonn an chuideachta an fógra a thug siad chun deireadh a chur lena conradh oibleagáide seirbhíse poiblí (OSP) agus le rochtain na Roinne ar an aerfort an 6 Nollaig.

Tá géarghá leis seo a dhéanamh chun leanúnachas na seirbhíse a chinntiú i ndiaidh an 6 Nollaig. Tá idirchaidreamh á dhéanamh ag an Roinn, ar an ábhar sin, le hÚdarás Aerfort na Sionainne maidir lena shaoráidí a úsáid ar bhonn eatramhach. Tá sainchomhairleoir eitlíochta á cheapadh ag an Roinn faoi láthair, chomh maith, chun cáipéisí a ullmhú agus chun tairiscintí a lorg chun seirbhís shealadach a sholáthar idir Aerfort na Sionainne agus Oileáin Árann.

Le leanúnachas na seirbhíse a chinntiú san fhadtéarma, tá breithniú á dhéanamh ag an Roinn, chomh maith, ar láithreáin oiriúnacha chun saoráid aerfoirt nua faoi úinéireacht an Stáit a thógáil ag Ros an Mhíl.