merrion street

Sheol an tAire Cultúir, Oidhreachta agus Gaeltachta, Josepha Madigan, Fleadh Contae Bhaile Átha Cliath inniu. Beidh os cionn 800 rannpháirtí aonair agus grúpa sa bhFleadh; beidh breis is 1,000 rannpháirtí i dteannta a dteaghlaigh agus lucht tacaíochta páirteach sna himeachtaí éagsúla i mBaile Átha Cliath.

Agus í ag labhairt ag an ócáid, dúirt an tAire Madigan:

“I mbliana, beidh 36 Fhleadh Cheoil Contae agus Cúige ar siúl ar fud oileán na hÉireann, le 7 bhFleadh breise sa Bhreatain agus i Meiriceá Thuaidh. Ag croílár na bhFleadhanna seo tá an 180 comórtas deirí seachtaine i gceol traidisiúnta, amhrán, damhsa, comhrá Gaeilge agus scéalaíocht.

Tá Fleadh Contae Bhaile Átha Cliath uathúil i measc Fleadhanna. Bíonn sé ar siúl i gceantar uirbeach chomh mór sin ach tá sé fós ábalta bród a ghiniúint sa phobal. Tugann sé onóir as ucht na tallainne agus na gnóthachtála. Is imeacht é Fleadh Bhaile Átha Cliath 2018 go mbímid go léir ag tnúth leis – imeacht inarb iad an pobal agus an rannpháirtíocht an croí.”