Foilsithe ar
Stoirm Lorenzo - Fógra Poiblí ó Sheirbhís Páirceanna Náisiúnta agus Fiadhúlra (SPNF) na Roinne Cultúir, Oidhreachta agus Gaeltachta
Beidh na Páirceanna Náisiúnta agus Anaclanna Dúlra seo a leanas dúnta tráthnóna inniu, óna 4 a chlog, go dtí go mbeidh athrú ar an aimsir:
- Coill Chnoc Meá (Gaillimh)
- Anaclann Dúlra Dhoire an Chláir (Gaillimh)
- Néifinn Fhiáin/Páirc Náisiúnta Bhaile Chruaich (Maigh Eo)
- Coill an tSeanchinn (Maigh Eo)
- Coill Leamhchoille (Gaillimh)
- Anaclann Dúlra Dhrom Mór (An Clár)
- Teach agus Gáirdíní Chill Áirne
- Anaclann Dúlra na Cúile-Ghairealáin (Gaillimh)
- Páirc Náisiúnta Chill Áirne
- Anaclann Dúlra an Ghleann Garbh
Tá rabhadh Oráiste gaoithe i bhfeidhm faoi láthair do sé chontae (Gaillimh, Maigh Eo, An Clár, Ciarraí, agus Luimneach).
Tá rabhadh Buí gaoithe i bhfeidhm do na contaetha eile.
Is mian le Seirbhís Páirceanna Náisiúnta agus Fiadhúlra na Roinne comhairle a chur ar an bpobal gan cuairt a thabhairt ar aon Pháirc Náisiúnta, Séadchomhartha Náisiúnta ná Anaclann Dúlra fad a bheidh an Rabhadh Oráiste i bhfeidhm.
Tá comhoibriú leanúnach an phobail, is é sin le rá nach rachadh daoine isteach sna suíomhanna seo fad a bheidh na rabhaidh aimsire i bhfeidhm, á iarraidh ag an SPNF i ndáil leis an ábhar seo.
Tabharfar tuilleadh eolais chun dáta de réir mar a éiríonn réamhaisnéis na haimsire níos soiléire agus/nó de réir mar a dhéanann Met Éireann nuashonrú ar fhógraí chomhairleacha aimsire .
Féach ar www.meteireann.ie le haghaidh rabhaidh aimsire agus eolas chun dáta.