merrion street

Arna eisiúint ag Preas-Oifig an Rialtais

Seiceáil i gCoinne Seachadadh

Thar ceann Rialtas agus mhuintir na hÉireann, ba mhaith liom comhbhrón a dhéanamh le muintir na Nua-Shéalainne i ndiaidh na n-ionsaithe uafásacha in Christchurch.

Is mór an dáimh atá idir muintir na hÉireann agus muintir na Nua-Shéalainne, bíodh é sin trí chúrsaí rugbaí, cúrsaí taistil nó tríd an mórtas céanna atá orainn as ár gcultúr mar oileáin bheaga.

Tá an oscailteacht, an chaoinfhulaingt agus an fháilte go mór i gcroí na Nua-Shéalainne agus a muintire. Seasaimid le muintir na Nua-Shéalainne inniu, comhaontaithe inár gcáineadh ar an ionsaí millteanach seo, gach duine againn diongbháilte nach bhfuil an fuath chun an lámh in uachtar a fháil.

Scríobhfaidh mé chuig an bPríomh-Aire, Jacinda Ardern chun ár gcomhbhrón ó chroí agus ár tacaíocht a chur in iúl di. Ba mhaith liom freisin obair chróga sheirbhísí éigeandála Christchurch a mholadh go hard.