merrion street

Tá fógartha ag an Aire Stáit sa Roinn Ealaíon, Oidhreachta agus Gaeltachta, Donnchadh Mac Fhionnlaoich T.D. inniu (Dé Céadaoin, 17 Aibreán 2013), go bhfuil deontas de €16,110 ceadaithe aige do Chomhar Chuigéil Teo. le go mbeidh ar a gcumas leanúint orthu leis an obair ullmhúcháin is gá a dhéanamh chun athchóiriú a dhéanamh ar chóras séarachais an Chomharchumainn. Baineann cuid den deontas atá ceadaithe chomh maith le hoibreacha athchóirithe a dhéanamh ar shíleáil an halla san ionad.

“Nuair a chuirtear san áireamh an tábhacht faoi leith a bhaineann le gníomhaíochtaí Chomhar Chuigéil agus tábhacht an fhoirgnimh mar áis phobail agus mar ionad don choláiste Gaeilge, tá sé an-tábhachtach cuidiú leis an gcomharchumann na hoibreacha riachtanacha seo a chur i gcrích,” a dúirt an tAire Stáit.